RANGKUMAN TAJWID HUKUM NUN PAEH SARENG TANWIN

RANGKUMAN SARENG QOIDAH TAJWID

HUKUM NUN PAEH SARENG TANWIN

MADRASAH ISLAMIYAH AL-ISTIQOMAH

Strict Adherent Of Islamic School

A.    BAB MACA TA’AWUDZ  BASMALAH JEUNG SURAT

Ari Bab Maca Ta’awudz  Basmalah jeung Surat Eta Kabagi 4 Bagian Nyaeta:

1.      قَطْعُ الْجَمِيْعِ (QOT’UL JAMI’)

Hartosna : “DIPEGATKEUN KABEHANNANA” (Taawudz,Basmalah Jeung Awal Surat)

Contona :

أَعُوْذُبِا للهِ مِنَ الشَّيْطَانِ الرَّجِيْمْ-بِسْمِ اللهِ الرَّحْمٰنِ الرَّحِيْمْ- قُلْ هُوَاللهُ أَحَدْ

2.      وَصْلُ الْبَسْمَلَةِ بِا لسُّوْرَةْ (WASLUL BASMALATI BISSUROH)

Hartosna :”NYAMBUNGKEUN BISMILLAH KANA AWAL SURAT”

Contona :

أَعُوْذُبِا للهِ مِنَ الشَّيْطَانِ الرَّجِيْمْ-بِسْمِ اللهِ الرَّحْمٰنِ الرَّحِيْمِ قُلْ هُوَاللهُ أَحَدْ

3.      وَصْلُ الْاِسْتِعَاذَةِبِالْبَسْمَلَةِ (WASLUL ISTI’ADZATI BIL BASMALAH)

Hartosna : “NYAMBUNGKEUN TA’AWUDZ KANA BISMILLAH”

Contona :

أَعُوْذُبِا للهِ مِنَ الشَّيْطَانِ الرَّجِيْمِ بِسْمِ اللهِ الرَّحْمٰنِ الرَّحِيْمْ- قُلْ هُوَاللهُ أَحَدْ

4.      وَصْلُ الْجَمِيْعِ (WASLUL JAMI’)

Hartosna : “DI SAMBUNGKEUN KABEHANNANA” (Ta’awudz,Bismillah Jeung Awal Surat)

Contona :

أَعُوْذُبِا للهِ مِنَ الشَّيْطَانِ الرَّجِيْمِ بِسْمِ اللهِ الرَّحْمٰنِ الرَّحِيْمِ قُلْ هُوَاللهُ أَحَدْ

B.     BAB MACA BISMILLAH DIANTARA DUA SURAT

Ari hukumna maca bismillah diantara dua surat eta aya 4 bagian, ieu nu opat bagian teh di bagi deui jadi 2 bagian, nyaeta

1)      Aya anu meunang eusina aya tilu

2)      Aya anu heunteu meunang,nyaeta sajalan

Ari gambaran anu dimeunangkeun nyaeta :

1.      قَطْعُ الْكُلِّ ( QOT’UL KULLI)

Hartosna : dipegatkeun kabehannana, (akhir surat nu kahiji diwaqofkeun,tuluy maca bismillah,akhir bismillah diwaqofkeun,tuluy maca awal surat anu kadua)

Contona :

وَلَمْ يَكُنْ لَّهُ كُفُوًأَحَدْ بِسْمِ اللهِ الرَّحْمٰنِ الرَّحِيْمْ قُلْ أَعَوْذُبِرَبِّ الْفَلَقْ

2.      وَصْلُ الْبَسْمَلَةِ بَأَوَّلِ السُّوْرَةِ ( WASLUL BASMALATI BI AWWALIS SUROH)

Hartosna : waqof wasol, ( ngawaqofkeun akhir surat anu kahiji, tuluy maca bismillah, sedengkeun akhir bismillah diwasolkeun kana awal surat anu kadua)

Conntona :

وَلَمْ يَكُنْ لَّهُ كُفُوًأَحَدْ بِسْمِ اللهِ الرَّحْمٰنِ الرَّحِيْمِ قُلْ أَعَوْذُبِرَبِّ الْفَلَقْ

3.    وَصْلُ الْكُلِّ ( WASLUL KULLI)

Hartosna : diwasolkeun kabehannana (akhir surat anu kahiji di wasolkeun kana mimiti bismillah, akhir bismillah diwasolkeun kana mimiti surat anu kadua)

Contona :

وَلَمْ يَكُنْ لَّهُ كُفُوًأَحَدُ بِسْمِ اللهِ الرَّحْمٰنِ الرَّحِيْمِ قُلْ أَعَوْذُبِرَبِّ الْفَلَقْ

Ari gambaran anu teu dimeunangkeun nyaeta :

1.    مَا إَذَاوُصِلَ أَخِيْرُ السُّرَةِ بِالْبَسْمَلَةِ وَوُقِفَ وابْتُدِءَبِمَا بَعْدَهَا ( MA IDZA WU SHILA AKHIRUS SUROH BIL BASMALAH WAWUQIFA WABTU DI A’ BIMA BA’DAHA)

Hartosna : dimana-mana akhir surat anu kahiji di wasolkeun kana bismillah, sedengkeun akhir bismillah diwaqofkeun, tuluy ngamimitian kana awal surat anu kadua

Contona :

وَلَمْ يَكُنْ لَّهُ كُفُوًأَحَدُ بِسْمِ اللهِ الرَّحْمٰنِ الرَّحِيْمْ قُلْ أَعَوْذُبِرَبِّ الْفَلَقْ

Pangna Heunteu Meunang Nyaeta :

أَنَّهُ يُوْهَمُ اَنَّ الْبَسمَلَةِ مِنْ أَخِيْرِ السُّوْرَةِ

Hartosna : bisi di sangka yen bismillah teh akhir surat anu kahiji

NADZOMNA

1.      Maca bismillah antara dua suroh

            Aya opat rupa kade ulah leupat

            Anu opat kabagi dua hukumna

            Anu meunang reujeung anu teu meunangna

2.      Ari gambaran nu dimeunangkeunana

Aya tilu sing tilik hiji-hijina

            Kahijina kot'ul kulli pek bacakeun

            ahir suroh nukahiji diwakopkeun

3.      Tuluy maca awal suroh nukadua

            Pek akurkeun jeung contona sing sarua

            Kaduana ahir suroh nukahiji

            Diwakopkeun kahade ulah pahili

4.      Tuluy maca awal ayat bismillahna

            Tung-tungna bismillah diwasolkeunana

            Reujeung mimiti suroh anu kadua

            Nabuktina tingali dina contona

5.      Katiluna waslul kulli pek ilikan

            Sing teunget hiji-hijina tong nyalahan

            Ahir suroh nukahiji diwasolkeun

            Kana awal bismillahna dihijikeun

6.      Tuluy ahir bismillahna diwasolkeun

            Jeung awal suroh kadua tong nyalahan

            Ari gambaran anu teu dimeunangkeun

            Ahir suroh nu ka hiji diteupungkeun

7.      Reujeung mimiti ayat bismillahna

            Tuluy diwakopkeun akhir bismillahna

            Tuluy maca awal suroh kaduana

            'Illatnamah tos jeulas dina nasarna

C.    QOIDAH HUKUM NUN PAEH SARENG TANWIN

NUN PAEH sareng TANWIN  dimana-mana mayunan huruf hijaiyah anu 28, maka hukumna kabagi 4 nyaeta :

1.      Idzhar

2.      Idghom

3.      Iqlab

4.      Ikhfa

Qoidahna

اَرْبَعُ اَحْكَمٍ فَخُذْ تَبْيِيْنِ Ω لِلنُّوْنِ اِنْ تَسْكُنْ وَلِلتَّنْوِيْنِ

Ari Hukum Nun Paeh Sareng Tanwin - Aya 4 Hukum Anu Eunggeus Yakin

Hiji Idhar,Dua Idgom,Tilu Iqlab, - Opat Ikhfa Tah Sakitu Kade Sasab

1.      IDZHAR

Ari idzhar eta kabagi dua bagian nyaeta :

1.      Idzhar ceuk lugot,nyaeta  اَلْبَيَانُ hartosna : kadar-kadar jelas

2.      Idzhar ceuk istilah nyaeta,  اِخْرَاجَ كُلِّ حَرْفٍ مِنْ مَخْرَجِهِ  hartosna : ngaluarkeun saban-saban huruf tina makhrojna kalawan teu make gunnah

Qoidah Idzhar

لِلْحَلْقِ سِتُّ رُتِّبَتْ فَلْتَعْرِفِ Ω فَاْلاَوَّلُ اْلِاظْهَرُقَبْلَ اْلَاحْرُفِ

Kahijina kudu idzhar masing terang – dina huruf halaq nu 6 pek bilang

Huruf Idzhar

Ari huruf idzhar  sadayana eta aya 6 nyaeta  ا/ء ح ه خ ع غ

Qoidah Huruf Idzhar

مُهْمَلَتَانِ ثُمَّ غَيْنٌ خَاءٌ Ω هَمْزٌ فَهَاءٌ ثُمَّ عَيْنٌ حَاءٌ

hamzah jeung Ha ‘ain jeung ha teu cecekkan - tambah dua Kho Ghin pada di cecekkan

Patokan Idzhar

Dimana–mana aya Nun Paeh atanapi Tanwin, mayunan salasahijina huruf idhar anu 6, maka macana kudu di eceskeun (JELAS)

2.      IDGOM

Ari idghom eta kabagi dua bagian nyaeta :

1.      Idghom ceuk lugot, nyaeta  اِدْخَالُ الشَّيْٕءِ فِى الشَّيْءِ  hartosna : ngasupkeun hiji perkara kana perkara anu sejen

2.      Idgom ceuk istilah, nyaeta

اِلْتِقَاءَحَرْفٍ سَا كِنٍ بِمُتَحَرِّكٍ حَيْثُ يَصِيْرَانِ حَرْفًا مُشَدَّدً يَرْتَفِعُ اللِّسَانُ عِنْدَهُ اِرْتِفَا عةً وَاحِدَةً

Hartosna : patepungna huruf anu paeh jeung huruf anu hirup, sahingga ngajadi huruf anu di tasydidan, sarta narima kana luhur letah, dina nalika ngucapkeun huruf anu ditasydidan  kalayan sakaligus

Qoidah Idghom

فِيْ يَرْمَلُوْنَ عِنْدَهُمْ قَدْ ثَبَتَتْ Ω وَالثَّانِ اِدْغَامٌ بِسِتَّةٍ اَتَتْ

Kaduana kudu idghom kana genep – dina lafadz YARMALUNA anu tetep

Huruf Idghom

Ari huruf idgom sadayana eta aya 6 nyaeta :  ي م ن و ل ر dikumpulkeun dina lafadz يَرْمَلُوْن

Pembagian Idghom Ceuk Istilah

Ari idghom tina pembagian NUN PAEH  sareng TANWIN kabagi dua bagian nyaeta :

1.      Idghom Bigunnah

Idghom bigunnah hurufna aya 4 nyaeta  ي م ن و dikumpulkeun dina lafadz يَنْمُوْ

Qoidah Idghom Bigunnah

فِيْهِ بِغُنَّةٍ بِيَنْمُوْ عُلِمَا Ω لَكِنَّهَاقِسْمَانِ قِسْمٌ يُدْغَمَا

Tapi nu genep bagi dua bagian – idghom ma’al gunnah YANMU sabagian

Patokan Idghom Bigunnah

Dimana-mana aya NUN PAEH atanapi TANWIN mayunan salahsahijina huruf idghom bigunnah anu 4 maka macan kudu DIGUNNAHKEUN

2.      Idgom Bilagunnah

Idghom bilagunnah hurufna aya dua nyaeta  ل ر

Qoidah Idghom Bilagunnah

فِى اللَّامِ وَالرًّاءِثُمَّ كَرِرَنَّةْ Ω وَالثَّانِ اِدْغَامٌ بِغَيْرِ غُنَّةْ

Kaduana idghom heunteu make gunnah dina LAM-RO bulak-balik sing merenah

Patokan Idghom Bilagunnah

Dimana-mana aya NUN PAEH atanapi TANWIN mayunan salahsahijina huruf idghom bilagunnah anu dua, maka macana TEU DI GUNNAHKEUN

Pengecualian Idghom

Dimana-mana aya NUN PAEH mayunan salahsahijina huruf idghom dina sakalimah, maka macana TEU MEUNANG DI IDGHOMKEUN,TAPI KUDU DI IDZHARKEUN

Contona :  دُنْيَا-صِنْوَا

Pangna teu meunang di idghhomkeun sabab matak ngarobah kana harti

Qoidahna

تُدْغِمْ كَدُنْيَاثُمَّ صِنْوَانٍ تَلَا Ω اِلَّااِذَاكَانَ بِكِلْمَةٍ فَلَا

Anging mun NUN PAEH teungah kalimah- saperti DUNYA-SHINWANUN ulah gunnah

3.      IQLAB

Ari Iqlab Eta Kabagi Dua Bagian Nyaeta :

1.      Iqlab ceuk lugot nyaeta :  تَحْوِيلُ الشَّيْءِعَنْ وَجْهِهِ  hartosna : mindahkeun hiji perkara tina jalanna eta perkara

2.      Iqlab ceuk istilah nyaeta :  جَعْلُ حَرْفٍ مَكَانَ حَرْفٍ مَعَ مُرَا عَةِ الْغُنَّةِ

Hartosna : ngajadikeun hiji huruf dina tempat huruf anu sejen, sarta ngariksa kana ghunnah

Ari huruf iqlab eta aya hiji, nyaeta ب

Qoidah Iqlab

مِيْمًا بِغُنَّةٍ مَعَ اْلِاخْفَاءِ Ω وَالثَّالِثُ اْلِاقْلَابُ عِنْدَاْلبَاءِ

Katiluna iqlab lamun nyandingan BA – Gantikeun kana MIM gunnah campur ikhfa

Patokan Iqlab

Dimana-mana aya NUN PAEH atanapi TANWIN mayunan huruf iqlab anu hiji, maka macana kudu digentikeun NUN PAEH atanapi TANWIN na kana MIM sarta kudu make gunnah

4.      IKHFA

Ari ikhfa eta kabagi dua bagian nyaeta :

1.    Ikhfa ceuk lugot nyaeta  اَالسَّتْرُ hartosna : kadar-kadar nutupan

2.    Ikhfa ceuk istilah nyaeta :

عِبَارَةٌعَنِ النُّطْقِ بِحَرْفٍ سَاكِنٍ عَارٍعَنِ التَّشْدِيْدِ عَلَى الصِّفَةِ بَيْنَ الْاِضْهَارِوَالْاِدْغَامِ مَعَ مُرَاعَةِ الْغُنَّةِ

Hartosna : hiji ‘ibaroh tina ngucapkeun  huruf anu paeh anu kosong tina tasydid, netepan kana sifat antara idzhar jeung idghom sarta ngariksa kana gunnah

Qoidah Ikhfa

مِنَ اْلحُرُوْفِ وَاجِبٌ لِلْفَاضِلِ Ω وَالرَّابِعُ اْلاِخْفَاءُ عِنْدَاْلفَاضِلِ

Hukum NUN PAEH jeung TANWIN ka opatna – ikhfa nyanghareupan huruf sakantunna

Huruf Ikhfa

Ari huruf ikhfa sadayana eta aya 15, nyaeta

ت ث ج د ذ ز س ش ص ض ط ظ ف ق ك

Qoidah Huruf Ikhfa

فِيْ كِلْمِ هَذَااْلبَيْتِ قَدْ نَظَمْتُهَا Ω فِيْ خَمْسَةٍ مِنْ بَعْدِ عَشْرٍ رَمْزُهَا

Nyeta lima belas huruf sadayana – dina kawit kalimah ieu nadzomna

دُمْ طَيِّبًا زِدْفِيْ تُقَى ضَعْ ظَالِمَا Ω صِفْ ذَاثَنَا كَمْ زَادَ شَخْصٌ قَدْ سَمَا

Nyaeta ص ذ ث ك ج ش ق س DZAL – ط ز ف ت ض ظ Masing pada apal

Patokan Ikhfa

Dimana-mana aya NUN PAEH atanapi TANWIN mayunan salasahijina huruf ikhfa anu 15, maka macana kudu di samarkeun makhroj NUN PAEH atawa TANWIN na

Pembagian Ikhfa Ceuk Istilah        

Ari ikhfa tina pembagian NUN PAEH sareng TANWIN eta kabagi 3 bagian, nyaeta

1.      Ikhfa Aqrob

Bagian kahiji tina pembagian ikhfa nyaeta ikhfa aqrob, huruf na sadayana aya 3, nyaeta :  ت ط د

Patokannana

“Dimana-mana aya NUN PAEH sareng TANWIN mayunan salasahijina huruf ikhfa aqrob anu 3, maka macan kudu  di samarkeun, sarta nyamarkeunnana kudu dideukeutkeun kana huruf anu tilu”

2.      Ikhfa Ausath

Bagian ka dua tina pembagian ikhfa nyaeta ikhfa ausath, hurufna sadayana aya 10, nyaeta : ص ذ ث ج ش س ز ف ض ظ

Patokannana

“Dimana-mana aya NUN PAEH atanapi TANWIN, mayunan salasahijina huruf ikhfa ausath anu 10, maka macana kudu disamarkeun, sora NUN PAEH atawa TANWIN na, sarta nyamarkeunnana kudu pertengahan”

3.      Ikhfa Ab’ad

Bagian katilu tina pembagian ikhfa nyaeta ikhfa Ab’ad, hurufna sadayana aya 2 nyaeta : ق ك

Patokannana

“Dimana-mana aya NUN PAEH atanapi TANWIN mayunan slasahijina huruf ikhfa Ab’ad anu 2, maka macana kudu  disamarkeun makhroj NUN PAEH atanapi TANWIN na tur nyamarkeunnana sing kacida samarna”

اَلْحَمدُ اللهِ رَبِّ الْعٰلَمِيْنَ

Insha Alloh Di Lanjut Ka Bahasan Hukum MIM PAEH